Isang Siglong Tuod sa Malabong Sapa

hapong hapo, isang gabing pagod sa isa't kalahating araw at kalahating magdamag na minamasdan ang puting kisameng walang kamuang-muang.
lasing sa mga malinaw na alaala ng ilang maliliit na desisyong ginawa maraming taon na ang nakaraan, mga araw nuong matapang pa ang ngayo'y gulong gulong dendrites sa utak na nilulunod ng protein mula sa araw araw na iniinom na whey.

butterfly effect. the fluttering changed worlds ten years thereafter. an instant. yes, less than a lonely nanosecond. less than negligible approaching zero. and it changed everything. it has changed the world, and the number of combinations therewithin.

sa ulirat naglalaro ang mga imaheng nagpapaluha sa mga mata mong ngayo'y nanlalabo. masaya ang kama, at ang mga unan ay nagdiriwang, at sa ilang minuto pa, matatalo ka sa digmaang kalaban ang antok. sumasayaw ang hangin mula sa bentilador mong uuga uga, at ang mga lamok ay nasisiawit ng Push The Button.

game theory. the value of the game is zero. always. never less. never more. just nil. none. and the world is never happy. never sad. just waiting. lonely. watching. exert all effort. your losses, their gains. but the world is never greater. and you made nothing for him not to forget you. you and zero, alike. similar. one.

ngayon nasa alpha stage na ang isipang nilalabanan ang antok na syang kanina pang humahaplos sa mga kuko ng iyong kamalayan. at duon, ikaw ay masaya. ikaw ang hari. habang umaagos ang tubig, ang putik, ang mga sirenang mukhang dilis na galing pang cebu. masaya kang nakatingala sa langit, ang mga ulap nagagalak, ang kalawakan nagnanais na maangkin mo. dahil sa utak mo, sa isip mong pagod na pagod, napapagalaw mo ang mundo, at ang isang kalawakang mas malaki pa sa value ng infinity.

Bukas, pag natuyo na ang tubig sa paanan, lalakad ka, didilat ang mga matang tila nakadroga, at kahit zero ang value ng game, ayos na ang kahit makagawa ka ng isang epektong di kagandahan sa isa pang player. dahil iniisip mo, kahit ang isang siglong tuod sa malabong sapa ay gagalaw, pag pagod na ang lupa.

Dreamy. Non-moving. But breathing.